Humor - Top Blogs Philippines

Tuesday, June 11, 2013

Himala o Apophenia?

Tayong mga pinoy mahilig sa himala, kahit ano napapansin, lahat binibigyan ng banal na kahulugan, kesyo ang mukha raw ni mama mary ay nasa puno nang saging, yung mukha raw ni Lord Jesus ay nakatatak sa isang pader, sa tinapay, sa bubong etc.
hindi lang naman sa pilipinas nangyayari ang pagkahumaling natin sa mga bagay na yan. maging sa ibang bansa. Himala nga ba o "Apophenia" --- Apophenia /æpɵˈfniə/ is the experience of seeing meaningful patterns or connections in random or meaningless data.  (galing sa wikipedia)

sa madaling salita, likas na sa atin ang makabuo ng imahe mula sa isang bagay. halimbawa na lang sa mapa ng pilipinas. 
sabi nang marami mukha raw "tao na nakaluhod" kung titingnan mo sa mapa. 
sabi nang mga Christian, mukha raw donkey (donkey kasi yung sinakyan ni Lord nang pumunta siya jerusalem).
sa mga taga bilyaran naman, mukha raw nagbibilyar, yung palawan kasi parang braso na naka-planketa/.
sabi nang teacher ko, mukha raw sinaboy na kwintas na perlas,
at mukha raw gown para sa mga fashion designer, sastre at modista.

IKAW? ANO ANG TINGIN MO?
ano man ang tingin mo, ang naranasan mo ngayon ay ang tinatawag ngang "APOPHENIA"


hindi mo masasabing himala (agad) kasi maaring nagkataon lang naman. at hindi himalang magkataon nga dahil posible talaga. Nakakaranas ka ng Apophenia, dahil instinct nang mga nilalang yan para mag-survive, para makahanap ng pagkain at makaiwas sa panganib dati pa.  maski hayop meron niyan. tanungin mo pa yung pusa niyo.  Kasama yan sa package nang bigyan tayo ng talino ng Maykapal.

Isa pang Apophenia Experience ko  habang naglalaro ako ng dota. 
Anong napapansin niyo sa green na lupa (hindi yung kulay blue, si rasta yon), Wala ba?
ano? napansin na ba? (pwede mong alamin sa sarili mo at maglaro ng dota. kung di ka naman dota player ay pwedeng humingi ng tulong sa anak o kapatid mong kunwaring nag-aaral)

 ANO BA KAYO! umiyak na kayo kasi iyan ang banal na imahe ni lord (pasensya na sa mga di maka-relate sa dota)
Eto ang picture ng hero sa DOTA. siya si LORD. ang Lord of Avernus sa Dota,  siya ang mahal na ABADDON. magsiluhod kayo!
ayan ang napansin ko, tingnan ang red markings ko. hawig niya diba?


Thursday, June 6, 2013

Kumakatok sa Sinumang may Busilak na Kalooban

Isumbong mo ang anomang mali,
itutumba ko ang sinomang tiwali.
at huwag kang mag-iimi.
tulungan yaong dukha at sawi.

isang litrato ang agad pumukaw sa aking damdamin. ito ay larawan ng naghihikahos na lalake, 

Ang nakaka-iyak na larawan ni kuya (itago na lang sa pangalang Enzo). bigo, kapos-palad, nakaka-awa, dusta. anoman ang depinisyon, tao rin gaya mo. Sa pamamagitan ng pakikinig lamang ng kanyang kwento ay maari ka nang makatulong. kumakatok sa sinomang may busilak na ginintuang puso. heto ang malungkot niyang kuwento ng tunay na buhay....

 meron siyang hundreds of posers sa facebook, instagram at twitter. tsk tsk tsk
di na niya mabilang ang kanyang friends at kalat na kalat na ang kanyang larawan sa internet world
wag mong pigilan ang pagluha,
talagang nangyayari ang mga ito sa malupit na lipunan ng mga tao.
shocks, nagpagupit na ako for a change,
Umaasa na lamang siya sa awa ng iba para lang makaraos sa pang-araw araw na buhay,
at sa gabi, niyayakap niya ang lamig ng kalsada. pinagsisihan niya nang bumili siya ng china phone na gadgets. nakakahiya pala sa mga peers. gusto niyang magtravel around the world kasi 10 countries pa lang sa asia ang kanyang napuntahan. di pa siya nakakatuntong sa europe at america.

My ex-Girlfriend and my...........ex-dad
galing lang siya sa break-up ang masama pa noon, ang pinalit sa kanya ng taksil na babae ay ang mismong tatay niya (MISMONG TATAY NIYA!!!) na sobrang istrikto at eversince ay wala nang time sa kanya.

Ang Kahulugan ng kwento:
wala naman talagang ibang meaning ang kwento ko maliban sa  tinatalakay ko ang karaniwang problema nang mga mayayaman. Minsan nasabi ko sa sarili ko, "Ang mga mapepera bakit parang gumagawa na lang ng problema".
natatawa na lang ako pag nahi-hysterical sila pag pangit ang hairstyle nila, vintage ang kotse, walang bagong gadgets, etc.
marami sa kanila nage-emote at mabilis magtampo. meron pa ngang gustong magpakamatay sa problemang pang kayabangan lang. yung iba nagpapakamatay dahil sa boyfriend. puro status sa fb. samantalang may mga taong may taning na ang buhay pero pinipilit pa ring mabuhay. sarap i-untog nang mga maarteng yan (JOKE)

Isa pa doon, bakit kung kailan halos lahat na ay nakuha muna eh maghahangad ka pa ng bagong suliranin. ang tinutukoy ko eh yung mayayamang kinakaliwa pa ang maganda niyang asawa? anggulo rin eh.
mayaman ka na, gwapo at may asawang maganda na mabait pa, plus mahal ka talaga gagawa ka pa rin ng bagay na ikakapangit o ikagugulo ng buhay? come on.

sana magets niyo :)
salamat sa pagbasa :)



attribution: 
http://www.pinoyden.com.ph/index.php?topic=172685.180, 
http://tristancafe.com/tag/wtf/page/5/a
https://en-gb.facebook.com/PagAkoHindiNaSingleHumandaKaSaAkin/timeline
https://www.facebook.com/DonPulubi.Story

Monday, June 3, 2013

Nakakatawang Tanong Compilation

Mga nakakatawang tanong na nakalap sa internet, sa amin, doon, sa television at sa mga taong nakakuwentuhan. magbasa muna at limutan ang problema kahit saglit.

Pag ang Buntis ba pinuktyuran , makukunan?

Pag ang saging nakatuhog banana cue. Pag  kamote, kamote cue. pag kabayo, carousel?

Ang lason ba pag na-expire, nakakalason parin?

Bakit kapag "close" kayo ng isang tao, "open" kayo sa isat-isa?

Bakit ang mga bading di naman nangangak pero dumarami?

Anong meron sa Brand X at galit na galit ang ibang brand sa kanya?

Bakit Ini-Sterilized pa yung karayom na gagamitin sa lethal injection?

Nauuhaw din ba ang mga isda?

Pare-pareho nga ba ang napangasawa ni Rapunzel, Sleeping beauty at Snow White? --Si Prince Charming.

Kung Mula sa corn ang "Corn oil", saan galing ang "baby oil"?

Sagutin mo, OO o HINDI, hindi ka ba naliligo? (oo o hindi lang ang sagot)

Anong tawag mo sa lalaking "ladybug"?

Bakit di natin makiliti ang sarili natin?

Bakit nakakatawang pagmasdan ang EMO na umorder ng HAPPY MEAL?

Anong oras naimbento ang orasan?

Lahat ba nang manok na kinatay malungkot?---bakit may chicken joy

Ang sardinas may Ligo, bakit ikaw wala? 

Kung walang nilikhang panget ang DIYOS, Sino ang lumikha sa'yo

Kung Nag-evolve ang tao mula sa unggoy, at what point ka nag pa-iwan?

Bukod sa mukha mo ano pa ang problema mo?

Ano ang mas malaki? back pack ni dora o bulsa ni doraemon?

yan lamang po, bilang pagtatapos magiiwan muna akong quotes galing sa internet.
"Laughter is the best medicine, but if you laugh with no reason you need medicine" -anonymous

Salamat sa paglingap sa aking blog, kung meron kang nais i-share, share mo naman. feel free sa pagcomment, pagbigay ng reaksiyon, suhestion o anomang puna. :)

10 Parusa ni Fadir

Eto ang top 10 na madalas iparusa ng ama sa kanyang anak na bading, wala itong  ispesipikong pagkakasunod-sunod. batay lamang sa sariling karanasan, pag search sa google at pagtatanong-tanong. ah tama na ang daldal eto na ang Krompung(Sampu) Pinakamadalas na Parusa ni Fadir.

mula MV na Sirena ni Gloc 9 at Ebe Dancel
1.Drum na may Tubig.
Once na mahuli ka ng ama mo na nagsuot ng duster o kahit anong damit pambabae.  Humanda ka kasi tutubigin ka niya. Iluloblob ka sa drum na yan na parang kriminal. “BABAE KA O LALAKE?” pagsumagot ka ng mali. ” babae po akez” ilulublob ka niya ng paulit-ulit.
kailangan isagot mo yung gusto niyang marinig.” LALAKE AKO?”
pero dumaan ang mga araw. di ka niya mapigil sa gusto.  Tinawag ang sarili na sirena . nanindigan at naging waterproof ang puso mo.

litrato mula sa www.pinoyexchange.com
2.Itinatali sa Puno
Sa pagaakalang mababago ka nila sa pamamagitan ng pagtali sa iyo sa puno at iiwanan doon ng buong araw ay magiging masunurin ka at magiging straight. Pero di nila alam kahit pinapapak ka na ng langgam at lamok. Iniimagine mo na lang na darating yung “knight on shining armor” mo at ililigtas ka.  Kinakausap mo ang mga paru paro, bulaklak at halaman.” Making kayo, ako ang diyosa ng kagubatang ito”. Iniimagine mo rin na ang puno ay ang BF mo. Pinangalanan mo siyang Dong Puno. In the end bakla ka parin.






3.Pamalo
“Pitpitin niyo man kami, bakla parin kami”. Yan ang matigas na paninindigan ng mga bading ang problema pinitpit nga talaga sila ng kani-kanilang ama. Gamit ang ano mang mahabang mahawakan;  hanger, sandok, sinturon, patpat, kahoy, sinturon at maging itak ay ihahambalos sa malamyang anak. “Pitpitan pala gusto mo huh?!”





4.Kinakalbo
Kahit walang karanasan sa panggugupit ang itay. Hahawak siya ng gunting para kalbuhin ka. Para raw di ka lumandi at magpaganda pa. magmumukha kang matikas at matapang. Di nila alam na suportado ka ni kuya Boy Abunda sa bagong hairstyle.




Pechay na nakasako.
Pechay(beki) na sinasako. ang lalim ano?
5.Sinasako
Pagkakasyahin ka sa sako at tatalian iyon, wala kang magagawa kundi maghintay ng awa sa ama mo. Kung mamalasin, wag sanang maisama ka sa mga basurang ididispatsya sa truck. Ganoon pa man kahit isilid ka niya sa anumang bagay, hindi niya mapipigilan ang ngiyaw ng puso mong mamon.











6.Nginungudngod sa Harina.
Ingungudngod ang mukha mo sa harina, makakain mo at maatsing sa harina, pahihirapan ka lalakeng geisha.




7.Suntok, Tadyak, Bali.
Simpleng simple, Gulpe  ka sa fadir mo pag nahuli ka niyang nagme-makeup o nakikipaglandian sa boys. Di niya maintindihan na nagdadalaga na si junior. Didikdikin ka ng mga biceps at iuuntog sa abs. pipilipitin ang leeg mo hanggang sa mag-tap out ka. “Ama, LaLaK3h aKEtch”.


8.Sili
Marami siguro ang naninibago rito pero maniwala kayo sa hindi may mga taong pinapakain ang anak nila nito ng tumuwid ayon sa gusto nila. Tatapang raw at magiging ala-labuyo ang tapang at magaalab ang puso ng mga pechay.






9.Ibitin Patiwarik
Kung may potensyal o babading-bading ka. Tatalian ang iyong paa at ibibitin sa sanga ng puno o sa soleras ng kisame. Mag-isip ka ng mabuti
at ipangako mo sa ama mo na di ka magiging bading.  Magmumukha kang paniking nakalambitin kung magmamatigas maging malambot.



10.Masakit na Salita
Ito na yata ang “ULTI” ng tatay mo. Di kita bibigyan ng mana, wala akong anak na bakla, Salot, Masamang tao, marumi, baboy, bastos, rapist, nakakadiri, at marami pang iba. Itatakwil ka niya at ikakahiya. Pag sumagot ka, naku humanda ka. Dudugo ang labi mo at magiging kamukha mo si McDo sa halip na ang kissable lips ni Angelina jolie. Bumagay pa ang pulbos mo kaya lalo kang nagiging mukhang clown. Nakakaawa na nakakatawa.



yun lamang po ang pinakamadalas na parusa ng mga ama sa anak niyang beki. bago matapos gusto kong mag thank you kay gelo sa suggestion niya. 

Related Posts Plugin for WordPress, Blogger...