Sumbong: Kalsada

style niyo bulok

laos na ang ganyang gimik

dito sa isumbongmo.blogspot.com

ibubunyag namin ang inyong trip

ang sumbong natin today ay  tungkol sa kalsadang laging baha, maputik, traffic, butas butas in short nakakabadtrip. halikayo at pakinggan ang sumbong nang ayaw magpakilalang residente ng reparo,baesa ,caloocan city

ANG SUMBONG

"nakakainis dito sa amin.  lagi na lang ganito, paulit-ulit, unlimited.
 Aayusin ng pamahalaang panlungsod ang kalsada.

pagagandahin at bubuhusan ng bagong asphalto

makikta mo ang mga streamer at poster ng pinunong nag paproyekto

nakangiti at ang laki ng mukha at nakasulat ang pangalan niya

akala mo tuloy sarili niyang pera ang ginastos.

maganda sana. yun nga lang...

ilang buwan lang darating ang tropa ng taga Maynilad Water District Services Incorporated.

maglalagay ng mga poster streamer na may naksulat

"dadaloy din ang ginhawa"

ang mga taga maynilad ay bubungkalin ang kalsada na bagong aspalto.
aayusin daw ang linya ng tubig?

anak ng tinola, ang resulta pagkatapos

butas butas at tagpi tagpi ang aming kalsada

na nagiging sanhi ng maraming aksidente't aberya.

ganito ang nangyayari, tapos bubuhusan uli ng asphalto then magaayos uli ng tubo.
ganun ganun ang nangyayari.

ginawa na nilang libangan ang pagbubungkal ng lupa

na nagiging dahilan din ng traffic sa mga motorista.

bakit ganyan lagi na lang maputik at lubak lubak ang aming kalsada

ganyan ba talaga gumastos ang pamahalaan?"

ANG AKSIYON

Ang isumbongmo.blogspot.com ay  agarang kumilos at pinuntahan ang nasabing kalsada.

nagdisguise kami, nagpalit kami ng tsinelas para di makilala

gamit ang cellphone na may built-in camera

kinuhaan namin sila ng litrato, klik!

mala james bond na maysakit,  lumapit pa kami nang kaunti at kumuha ng larawang ibedensiya

kitang kita niyo ang aksiyon? anong sinabi ni mike enriquez, gus avelgas o tulfo brothers diyan?

ANG SOLUSYON 

suhestiyon ko lang, bakit di niyo na lang gawing de butones yang kalsada

o di kaya eh may zipper, para nang sa ganoon pwedeng buksan kahit anong oras niyo nais.

pero alam ko namang hindi nila ito gagawin dahil kung walang project, walang katkung.

bilang solusyon din,  ipinost ko agad ito sa aking blog at para malaman ng mga kababayan ko kung paano ginagasta ng ilan ang pondo ng bayan.

hindi kaya merong sabwatan dito ang maynilad at ilang pinuno ng bayan,

"para kasi kung may project,

may rocket.

at kung may rocket,

solve ang pocket."

pinagiisipan ko pa kung ipapasa ko ito sa youscoop o imbestigador. ano sa tingin niyo?

ano kayo ngayon? alam kong maynakahanda na kayong palusot at madali lang sa inyo yan.

pero hindi ba kayo nakukusensiya?

naghihirap ang marami sa atin

habang kayo, mga kurakot

walang hiyang nagsasayang ng pera.

                                                                              o0o

puro kayo rocket, 

iniisip niyo lang ay ang inyong pocket

nagtatanong ako baket

wala ba kayong malasaket

o0o

Sumbong: Manok, Binaboy!

Dito sa isumbongmo, isumbongmo.blogspot.com

wala kaming pinipiling kalaban

wala din kaming pinipiling tulungan

basta nagsumbong ang bayan

aksyon ng  isumbongmo.blogspot.com  asahan!

Ang ating sumbong ngayon ay tungkol sa kawawang sisiw.

pakinggan ang kanyang kwento

Kawawang Sisiw: "isang araw, habang maligaya kaming kumakain kasama ang  aking ina

nang bigla na lang pumasok ang may ari ng apartment na aming tinitirhan

dinampot nila si nanay, " parang awa niyo na , may mga anak ako!" ang pagmamakaawa ni ina.

hindi na sila naawa, nagdadalantao ang aking ina,

hindi na ako nakasunod dahil nakakandado ang pintuan.

wala na akong magawa kundi umiyak  hanggang mapaos".

"hindi pa sila nakuntento, pati ang aking mga kapatid, ang aking kapatid na walang kamuwang muwang dinampot din nila, huhuhu pinatay nila sila mama! (humagulgol)"

45 days akong umiiyak at natatakot galit na galit ako sa mga kahayupan este katauhan nila

mga mamatay hayop, magbabayad kayo!"

Ben 2Lfowh: "huwag ka matakot, maitanong ko lang eto ba ang unang pagkakataon na ginawan ka nila ng ganyang uri ng karahasan?."

Sisiw: "(hingang malalim) hindi po, ang aking ama ay namatay dahil isinali nila ng sabong, namatay ang aking ama. di kami nakapagsumbong dahil natatakot kami huhuhu "

B3n 2Lfowh:" huwag kang mag-alala kasangga mo ang isumbongmo.blogspot.com.

at hindi kita pababayaan, kung tuwing naghahanap kami ng hustisya

at pinapatong namin kayong mga sisiw sa kabaong bilang kahulugan ng paghahanap namin ng hustisya.

ngayon kami naman ang babawi sa inyo"

---------

ang bikitimang itago na lang natin sa pangalang sisiw ay nasa pangangalaga na ng kinauukulan.

agaran pong kumilos ang isumbongmo.blogspot.com 

panis ang bitag, xxx, soco, at imbestigador sa aming aksyon, 

ilang araw lang ang nakalipas dahil sa masusing pagiimbestiga at matiyagang paghahanap ng ibidensiya, natagpuan po namin ang bangkay ng mga biktima.

upang mailibing ng maayos, 

tinabunan namin ng kanin at softdrinks nang sa ganoon 

matahimik na ang kanilang kaluluwa.

pinaghahanap na ng pulisya ang suspek sa karumal dumal na krimen na nakilala sa pangalang alyas KFC

kung may nalalaman po kayong impormasyon na makakatulong sa agarang pagdakip sa  akusado

maari lamang ay mag comment kayo, mag follow, mag message, mag post sa chat box ko, o kung trip niyo magclick sa mga ads ko baka sakaling interesado kayo :)

hanggang sa muli.

dito sa isumbongmo.blogspot.com

ang iyong sumbong ay di dapat ibulong

dapat sinusumbong

at sasamahan ko ng aksiyon!